JAMHURI YA MUUNGANO WA TANZANIA

WIZARA YA ELIMU SAYANSI NA TEKNOLOJIA 

TANGAZO

MAADHIMISHO YA WIKI YA UTUMISHI WA UMMA MWAKA 2016

Maadhimisho ya Wiki ya Utumishi wa Umma Mwaka 2016 yalianza  tarehe 16 Juni na yatafikia kilele tarehe 23 Juni.  Kwa mwaka huu 2015/16 imeamuliwa Maadhimisho ya Wiki ya Utumishi wa Umma yafanyike kwa utaratibu ufuatao:

(i)                 Tarehe 22/06/2016 kuanzia Saa 7:00 hadi 9:00 mchana watumishi wote wenye matatizo sugu yanayowakabili wafike Ofisini kwa Katibu Mkuu au Naibu Katibu Mkuu (S) kueleza matatizo yao ili yaweze kushughulikiwa.

 

(ii)              Tarehe 23/06/2016 kuanzia Saa 5:00 asubuhi hadi Saa 9:00 mchana wateja wenye kero wafike Ofisini kwa Katibu Mkuu au Naibu Katibu Mkuu (S) ili waweze kusikilizwa kero zao.

 

UTAWALA

21/06/2016

JAMHURI YA MUUNGANO WA TANZANIA

WIZARA YA ELIMU, SAYANSI NA TEKNOLOJIA

TAARIFA KWA UMMA

USAJILI WA SHULE ZA AWALI, MSINGI, SEKONDARI NA VITUO VINAVYOTOA ELIMU NJE YA MFUMO RASMI NA SEKONDARI HURIA  

Serikali kupitia Sheria ya Elimu Sura ya 353 inaelekeza  shule zote kusajiliwa kabla ya kusajili wanafunzi. Azma hii ya serikali ni kuhakikisha kuwa kunakuwa na utaratibu madhubuti wa kusimamia Ubora wa Elimu.

Hata hivyo, kumekuwepo na baadhi ya wadau wanaanzisha na kuendesha shule au vituo vinavyotoa elimu nje ya mfumo rasmi  bila kupata Usajili.

Wanafunzi wanaotoka katika shule au vituo hivi hufanya mitihani ya taifa ikiwemo  mtihani wa maarifa (QT)  na mitihani mingine ya Taifa (Kidato cha Nne na Sita)  kama watahiniwa wa kujitegemea. Aidha, baadhi ya wanafunzi hawa huingizwa kwa utaratibu usio rasmi kufanya mitihani ya Darasa la Nne na Darasa la Saba katika shule zilizosajiliwa pasipo kuzingatia mazingira ya mahali waliposomea hivyo kuchangia kwa kiasi kikubwa kushindwa katika mitihani hiyo.

Kwa tangazo hili serikali kupitia Wizara ya Elimu, Sayansi na Teknolojia inawataka wamiliki wote wa shule ambazo hazijasajiliwa kuwasilisha maombi yao katika Ofisi za Uthibiti Ubora wa shule Kanda, Wilaya au Idara ya Ithibati ya shule (Usajili) Makao Makuu ya wizara kabla au ifikapo tarehe 30/07/2016. Shule ambazo hazijafikia vigezo vya kusajiliwa, zitafungwa na hazitasajiliwa na Mwenye Shule husika atapaswa kuhamisha wanafunzi waliopo kwa gharama zake. 

Imetolewa na

Dkt. Leonard D. Akwilapo

KAIMU KATIBU MKUU

WIZARA YA ELIMU, SAYANSI NA TEKNOLOJIA