NDALICHAKO ATAKA SKAUTI ITUMIKE KUJENGA UZALENDO KWA VIJANA NCHINI

Waziri wa Elimu, Sayansi na Teknolojia Prof. Joyce Ndalichako, ameuagiza uongozi wa Skauti nchini kuhahakikisha, wanatumia vijana wa skauti kuelimisha na kujenga uzalendo miongoni mwa makundi ya Vijana nchini .

Amesema hayo, katika uzinduzi wa semina elekezi ya Makamishna wa Skauti wa mikoa, Wilaya, Wajumbe wa Bodi na Kamati Tendaji za Skauti Nchini iliyofanyika katika ukumbi wa Karimjee Jijini Dar es Salaam.

Waziri wa Elimu, Sayansi na Teknolojia Prof. Joyce Ndalichako akizungumza na Skauti wakati wa uzinduzi wa semina elekezi ya Makamishna wa Skauti wa mikoa, Wilaya,  Wajumbe wa Bodi na Kamati Tendaji za Skauti Nchini iliyofanyika katika ukumbi wa Karimjee Jijini Dar es Salaam.

Ndalichako amepongeza Chama cha Skauti Tanzania pamoja na Zanzibar kwa kushiriki na kufanikisha sherehe za maadhimisho ya Miaka 107 ya Skauti Zanzibar na kwa kuandaa semina hiyo elekezi, ili kuwangejea uwezo viongozi wake hususan katika mambo muhimu katika taifa ambayo kwa kiasi kikubwa yanahitajika kutolewa elimu juu yake kwa vijana ambao ndio nguvu kazi ya Taifa.

Aidha amewataka viongozi hao kutumia Semina hiyo kama nyenzo muhimu itakayowasaidia kuelewa misingi, miongozo, sera na mikakati mbalimbali ili kuwalea vijana wanaowaongoza katika maadii mema ya chama cha Skauti na kupata ujuzi wa kitaalam utakaowawezesha kutekeleza majukumu yao kwa ufanisi.

Waziri Ndalichako ambae pia ni rais wa Skauti Nchini, amesema Wizara ya Elimu kwa kutambua umuhimu wa Skauti Nchini katika malezi ya Vijana imetoa waraka wa kuhuisha uskauti shuleni na vyuoni hivyo kuagiza viongozi katika asasi na taasisi hizo kuhakikisha ustawi wa shughuli za uskauti unaendelea kwa kasi zaidi, huku akiwataka Maafisa Elimu wa Mikoa na Wilaya kuratibu shughuli za Skauti katika maeneo yao, ikiwemo kuhakikisha kuwa walimu wanaosimamia shughuli za Skauti wanapatiwa mafunzo yatakayowawezesha kusimamia vema shughuli hizo.

Waziri Ndalichako amepongeza hatua ya kushirikisha Vyombo vya Serikali kutoa elimu kuhusu masuala muhimu ya mtambuka kwa Taifa, ikiwa ni pamoja na masuala ya mapambano dhidi ya Rushwa na Madawa ya kulevya. Aidha ametumia nafasi hiyo kushukuru vyombo vilivyoshiriki kutoa elimu ikiwemo TAKUKURU, Jeshi la Zimamoto na Mamlaka ya Kudhibiti na Kupambana na  Dawa za Kulevya.

“Natoa wito kwa washiriki wote kusikiliza kwa makini mada hizo muhimu ili mkazitumie katika kutekeleza jukumu la kuwajengea vijana uzalendo, uadilifu na kuwa mstari wa mbele katika kufanya kazi na kupambana na majanga yanayolikabili Taifa letu.”

Skauti Mkuu Chama Cha Skauti Tanzania Mheshimiwa Mwantumu Mahiza akimkaribisha Waziri wa Elimu, Sayansi na Teknolojia Prof. Joyce Ndalichako wakati wa uzinduzi wa semina elekezi ya Makamishna wa Skauti wa mikoa, Wilaya,  Wajumbe wa Bodi na Kamati Tendaji za Skauti Nchini iliyofanyika katika ukumbi wa Karimjee Jijini Dar es Salaam.

Katika hatua nyingine Ndalichako kwa nafasi yake kama Rais wa chama cha Skauti na Waziri mwenye dhamana ya Elimu, amewaagiza wa Wakuu wa Shule na Wakuu wa Taasisi nyingine zenye vyama vya skauti kusimamia kwa makini shughuli za uskauti na kuepuka matumizi mabaya ya Skauti, ikiwemo kuwapa jukumu la utoaji wa adhabu kwa vijana wenzao.

“ Niombe sana uongozi suala la kutumia vibaya skauti kwa ajili ya kuumiza vijana wenzao lisijirudie tena  kwani lengo la Skauti ni upendo, jambo hili halikunifurhisha, Viongozi simamieni na fundisheni , upendo, amani , umoja na mshikamano ambazo ni nguzo kuu za taifa letu, kwa jinsi hii tukuwa na vijana shupavu wazalendo wachapakazi,ambapo tutakuwa tunaunga mkono kwa vitendo juhudi za Rais wetu Dkt. John Pombe Joseph Magufuli ambae anasisitiza juu ya amani na uchapakazi katika kuifikisha nchi yetu katika uchumi wa kati ifikapo 2025 kupitia viwanda.”

Akizungumza kabla ya kumkaribisha waziri Ndalichako  Skauti Mkuu - Chama Cha Skauti Tanzania Mheshimiwa Mwantumu Mahiza, alimshukuru Waziri kwa kukubali mualiko na kusema kuwa Chama hicho kinaendelea kufanya kazi zake kimkakati  ikiwemo kutekeleza jukumu lake kubwa la kulea vijana, kuwajenga kuwa wazalendo walio tayari kulitumikia taifa.

Nae mlezi mteule wa Chama hicho Askofu Gervas John Mwasikwabhila Nyaisonga, Askofu Mkuu Jimbo la Mbeya Kanisa katoliki na Rais wa Baraza la Maaskofu Katoliki Tanzania (TEC),lakini pia ni Skauti, ameishukuru Serikali kwa uteuzi wake akiwa mlezi wa tatu  katika Chama hicho. Walezi wengine, ni Rais Msataafu Mheshimiwa Ali Hassan Mwinyi na Mheshimiwa Balozi Salim Ahmed Salim.  Aidha Askofu Nyaisonga ameahidi kuwa Skauti itayafanyia kazi maagizo ya Waziri kwa wakati na kuendelea kutoa kuduma bora kwa weledi popote watakapo hitajika.

Waziri wa Elimu, Sayansi na Teknolojia Prof. Joyce Ndalichako akikagua gwaride la Skauti lililoandaliwa kwa ajili yake wakati wa wakati wa uzinduzi wa semina elekezi ya Makamishna wa Skauti wa mikoa, Wilaya,  Wajumbe wa Bodi na Kamati Tendaji za Skauti.

TANGAZO

UNITED REPUBLIC OF TANZANIA

MINISTRY OF EDUCATION, SCIENCE AND TECHNOLOGY

STUDY OPPORTUNITY TENABLE AT REGIONAL SCHOLARSHIP AND INNOVATION FUND HOST UNIVERSITIES (RSIF-AHU)  2019/2020

Call for Application

The General Public is hereby informed that, the  Regional Scholarship and Innovation Fund (RSIF) which is the flagship Partnership for Skills in Applied Sciences, Engineering and Technology (PASET-RSIF) Programme offers  Scholarship opportunities  to Tanzanians to study  various PhD programmes in the RSIF African Host Universities such as Sokoine Uniersity of Agriculture (SUA) and  The Nelson Mandela African Institution of Science and Technology (NM-AIST) in Tanzania, University of Gaston Berger (UGB) in Senegal, University Félix Houphouët-Boigny (U-FHB) in Ivory Coast, Kenyatta University (KU) and University of Nairobi (UON) in Kenya, University of Port Harcourt, African University of Science and Technology (AUST) and Bayero University Kano (BUK) in Nigeria, University of Ghana (UG), Ghana, University of Rwanda (UR) in Rwanda. The scholarship focuses on the following programme priority areas.

     1.      ICTs, including big data and artificial intelligence;

     2.      Food security and agribusiness;

     3.      Minerals, mining and materials engineering;

     4.      Energy including renewables; and

     5.      Climate change.

Eligibility criteria

To be eligible for this scholarship, applicants should meet the following criteria:

1.      Master’s degree in  relevant field of study;

2.   The Citizens of  United Republic of Tanzania willing to enroll full-time in a PhD program at an RSIF African Host University; and

3.    Demonstrate leadership potential, such as community service in areas related to PASET RSIF fields of study.

4.   NB: Priority will be given to women and existing young academic staff at African Universities

Application Procedure 

Completed application forms and accompanying supporting documents must be submitted online through the following website https://app.rsif-paset.org/rsif-applications-2019/index.php

Further information on the PhD program specific requirements and  RSIF African Host Universities  (RSIF AHU) admissions criteria can be found here: https://www.rsif-paset.org/calls/2019-call-applications/

Submission:

Deadline for online applications: 22^nd  July 2019 at 5:00pm (GMT).

Issued by:

Permanent Secretary,

Ministry of Education, Science and Technology,

University of Dodoma,

College of Business and Law,

Block 10,

P. O. Box 10,

40479 DODOMA.

NAIBU WAZIRI OLE NASHA ATAKA WATOTO KULINDWA NA KUWEZESHWA ILI WAWEZE KUSHIRIKI FURSA MBALIMBALI ZA ELIMU

Naibu Waziri wa Elimu, Sayansi na Teknolojia William Ole Nasha amesema Serikali  inatambua  na kuthamini umuhimu wa mtoto wa kitanzania na ndio maana imekuwa ikizifanyia kazi haki za msingi za mtoto ili aweze kuishi katika mazingira mazuri ikiwa ni pamoja na kupata elimu. 

Naibu Waziri Ole Nasha ameyasema hayo Jijini Dar es Salaam wakati wa maadhimisho ya Siku ya Mtoto wa Afrika yaliyoandaiwa na Shirika la Wanawake katika Sheria na Maendeleo Afrika (WiLDAF) ambapo amesema watoto wanapaswa kulindwa na kuwezeshwa ili waweze kushiriki katika  fursa mbalimbali zilizopo kwenye elimu. 

Naibu Waziri wa Elimu, Sayansi na Teknolojia William Ole Nasha akizungumza wakati wa maadhimisho ya Siku ya Mtoto wa Afirika yaliyofanyika Jijini Dar es Salaam Juni 20, 2019.

 Amesema maadhimisho ya Siku ya Mtoto wa Afrika yanatoa fursa ya kujadili changamoto na fursa katika kuhakikisha kuwa haki za mtoto zinalindwa na kwamba  Serikali imefanya jitihada kubwa na za makusudi katika kuhakikisha kuwa watoto wanapata haki zao za msingi katika jamii zetu za kitanzania.

Ole Nasha amezitaja jitihada hizo kuwa ni pamoja na kuridhiwa kwa mikataba mbalimbali ya Kimataifa inayolinda haki za watoto, kutunga  sheria zinazolinda haki za watoto dhidi ya uonevu na ubaguzi wowote na pia imepitisha Sera zinazowalinda na kuwapatia fursa watoto.

Naibu Waziri wa Elimu, Sayansi na Teknolojia William Ole Nasha akichangia mjadala wakati wa maadhimisho ya Siku ya Mtoto wa Afrika yaliyofanyika jijini Dar es Salaam.

Jitihada nyingine ni pamoja na ujenzi wa shule karibu na makazi ya watu ili kupunguza watoto kutembea umbali mrefu, ujenzi wa mabweni na pia  mafunzo mbalimbali ikiwa ni pamoja na kuweka mkazo juu ya stadi za maisha, elimu ya afya ya uzazi na ujinsia katika shule za msingi na sekondari na vyuo vya ualimu.

Katika hatua nyingine Naibu Waziri Ole Nasha ameutaka umma kutambua kuwa jukumu la kuwaendeleza watoto kielimu ni la kila mmoja wetu na kwamba ifahamike kuwa watoto wa kike na wa kiume wote ni sawa, hivyo hatuna budi kuwapunguzia watoto wa kike mzigo wa kazi za nyumbani ili wapate muda wa kujisomea sawa na ilivyo kwa watoto wa kiume.

Naibu Waziri wa Elimu, Sayansi na Teknolojia William Ole Nasha akipokea risala kutoka kwa mmoja wa watoto walioshiriki Maadhimisho ya Siku ya Mtoto wa Afrika Jijini Dar es Salaam.

Siku ya Mtoto wa Afrika huadhimishwa Juni 16 ya kila mwaka ambapo kwa mwaka 2019 maadhimisho hayo Kitaifa yamefanyika Mkoani Geita na yalikuwa na Kauli Mbiu isemayo “Mtoto ni Msingi wa Taifa Endelevu: Tumtunze, Tumlinde na Kumuendeleza.”