Serikali imesema haitasita kuvunja mkataba na Kampuni ya Skywards Construction

Naibu Waziri wa Elimu, Sayansi na Teknolojia Mheshimiwa  Wiliam Ole Nasha, amesema Serikali haitasita kuvunja Mkataba na Kampuni ya Skywards Construction inayopaswa kujenga miundombinu ya ufundishaji na ujifunzaji katika Chuo cha Ualimu Ndala kilichopo Halmashauri ya Wilaya ya Nzega, mkoani Tabora.

Naibu Waziri ametoa Kauli hiyo baada ya Kampuni ya Skyward Construction  iliyopaswa kujenga Mabweni, Vyumba vya Madarasa, Ukumbi, Maktaba, Maabara na Matundu ya vyoo kutoonekana katika eneo la ujenzi tangu alipokabidhiwa kutekeleza mradi huo mapema mwezi Januari 27, 2018.

Naibu Waziri wa Elimu, Sayansi na Teknolojia Mheshimiwa  William Ole Nasha akipata maelezo kutoka kwa Mkurugenzi wa Halmashauri ya Wilaya ya Nzega Jacob Mtalitinya juu ya changamato zinazoikabili Shule ya Sekondari Kampala katika kukamilisha ujenzi wa Miundombinu ya ufundishaji na ujifunzaji.

Akizungumza akiwa kwenye ziara ya kukagua utekelezaji wa Miradi inayotekelezwa na Wizara yake kupitia Programu ya Lipa Kulingana na Matoke- EP4R, Naibu Waziri  Ole Nasha amesema Kampuni hiyo tangu ikabidhiwe Mradi haijawahi kufika eneo la mradi kuanza ujenzi na bila taarifa yoyote hivyo kuacha maswali mengi yasiyokuwa na majibu.

‘Kampuni hii ilipaswa kuanza kazi Februari 24, 2018 cha kushangaza hadi sasa haijaonekana eneo la Mradi bila taarifa yoyote. Kampuni hii ya Skyward Constuction inapaswa kujua imeingia mkataba na mikataba hii huwa ina taratibu zake, kama kuna jambo haliendi sawa ni bora akaeleza kwa kuwa Serikali haitasita kuvunja mkataba nae.’ Alisisitiza Naibu Waziri Ole Nasha.

Naibu Waziri Ole Nasha amezitaka Kampuni mbalimbali za ujenzi  kuhakikisha zinazingatia Mikataba, kwani kuchelewa kukabidhi Mradi kwa wakati  kunaisababishia Serikali gharama zisizo za lazima kwa kuwa vifaa vya ujenzi vitapanda bei lakini pia Mradi kushindwa kukidhi kusudio la kuwepo kwa wakati huo.

Nae Mkuu wa Chuo cha Ualimu Ndala Abinego Ndikumwe amesema pamoja na Serikali kukarabati na kujenga miundombinu ya ujifunzaji na ufundishaji bado Chuo hicho kina changamoto za upatikanaji wa Maji, ukosefu wa  usafiri kwa matumizi ya Chuo, Bwalo na ofisi za Wafanyakazi.

Naibu Waziri wa Elimu, Sayansi na Teknolojia Mhe. William Ole Nasha akikagua ujenzi wa Miundombinu ya  Shule ya Sekondari Mwanzoli, iliyojengwa na Wizara hiyo kupitia Progamu ya Lipa kulingana na Matokeo, EP4R ambapo mara baada ya ukaguzi huo Naibu Waziri amekiri kuridhishwa na ukarabati huo na kuzitaka shule nyingine kuuga mfano huo.

Akiwa Wilayani Nzega Mhe. Ole Nasha ametemtembelea Chuo cha Maendeleo ya Wananchi Nzega na Mwanhala, Shule ya Sekondari Kampala na Shule ya Sekondari Mwanhala ambapo akiwa kwenye Shule ya Sekondari Mwanzoli na amekiri kurdhishwa na namna Shule hiyo ilivyotekeleza mradi wa ujenzi wa miundombinu ya shule, ambapo ameahidi Wizara yake itahakikisha inakamilisha ujenzi wa Maabara, na  Nyumba mbili za Walimu.

Naibu Waziri Ole Nasha: Sijaridhishwa na ukarabati uliofanyika Butimba

Naibu Waziri wa  Wizara ya  Elimu, Sayansi na Teknolojia Mheshimiwa William Ole Nasha ameitaka Wizara yake kufanya uchunguzi na kutoa ripoti ya namna ukarabati wa Miundombinu ulivyofanyika katika Chuo cha Ualimu Butimba ili kujiridhisha kama kweli ukarabati huo unaakisi kiasi cha fedha zilizotolewa.

Naibu Waziri Ole Nasha ametoa kauli hiyo Mjini Mwanza baada ya kufanya ziara katika chuo hicho hapo  ambapo amesema hajaridhishwa na ukarabati ulivyofanyika kwa kuwa Chuo hicho kilipatiwa kiasi cha takribani  Milioni Mia Nane Sitini na Tatu.    

Naibu Waziri wa Elimu, Sayansi na Teknolojia Mhe. William Ole Nasha akikagua moja ya Bweni la Wanafunzi katika Chuo cha Ualimu Butimba lililofanyiwa ukarabati na Wizara ya Elimu, Sayansi na Teknolojia kupitia Programu ya Lipa Kulingana na Matokeo (EP4R).

Ole Nasha  amesema lengo la Serikali ni kuhakikisha Vyuo vya Ualimu vinakuwa na mazingira mazuri ya kuwaandaa Walimu wanaokwenda kufundisha katika shule mbalimbali  hapa nchini hivyo ni jukumu la  Wakuu wa Taasisi na Vyuo vya Elimu kuhakikisha wanasimaia Miradi mbalimbali ya Elimu kwa ukamilifu  na kuwa Serikali haitasita kuchua hatua kwa yeyote atakayeshindwa kusimamia Miradi hiyo kwa weledi.

“Chuo hiki kimepatiwa takribani Milioni Mia Nane Sitini na Tatu kwa ajili ya ukarabati wa miundombinu kama hivi ndivyo ukarabati uliofanyika hauonyeshi thamani ya fedha iliyotolewa kwa ajili ya Chuo hiki cha Ualimu Butimba, kwa kweli Sijaridhishwa”alisisitiza Naibu Waziri huyo.

Akitoa maelezo Mkuu wa Chuo hicho John Ole Meiludie amejitetea kuwa kazi hiyo ya ukarabati imefanyika kwa umakini isipokuwa wanafunzi wenyewe  ndiyo wanachana nyavu za madirisha lakini pia hali ya mvua zinaponyesha huondoa  rangi ambayo  inakuwa imepakwa katika majengo ya Chuo hicho.

1.      Naibu Waziri wa Elimu akipokea maelezo katika maabara ya baiolojia Naibu Waziri wa Elimu, Sayansi na Teknolojia Mhe. William Ole akipokea maelezo kutoka kwa Mkufunzi Ramadhani Wenge kuhusiana na maabara ya Bailojia iliyopo katika Chuo cha Ualimu Butimba Mkoani Mwanza.

Akiwa Mkoani Mwanza Naibu Waziri Ole Nasha ametembelea Shule ya Sekondari Nyegezi iliyoko Wilaya ya Nyamagana na Chuo cha Ufundi Stadi na Huduma VETA kilichopo wilaya ya Ilemela na kuridhishwa na namna walivyotekeleza miradi ya Elimu.

Naibu Waziri wa Elimu, Sayansi na Teknolojia Mhe. William Ole Nasha akiongea na Wanafunzi wa Shule ya sekondari Nyegezi Iliyopo Mkoani Mwanza alipofanya ziara shuleni hapo kukagua miradi inayotekelezwa na Programu ya Lipa Kulingana na Matokeo (EP4R).

Naibu Waziri Ole Nasha aahidi kushughulikia changamoto zilizopo Chuo Kikuu cha Mwalimu Nyerere cha Kilimo na Teknolojia Wilayani Butiama

Naibu Waziri wa Elimu Sayansi na Teknolojia Mheshimiwa William Ole Nasha ameahidi atashughulikia changamoto zinazokikabili Chuo Kikuu cha Mwalimu Julius K. Nyerere cha Kilimo na Teknolojia (MJNUAT) ili kukiwezesha Chuo hicho kuanza kudahili wanafunzi.

Naibu waziri Ole Nasha ametoa ahadi hiyo alipofanya ziara ya kukagua shughuli za Maedeleo zinazofanyika katika Chuo hicho kilichopo Wilayani Butiama mkoani Mara.

Ole Nasha amesema Chuo hicho kilianzishwa si tu kwa lengo la kumuenzi Baba wa Taifa Mwalimu Julius K. Nyerere lakini pia kuendeleza dhamira yake ya dhati aliyokuwa nayo  kuhusu kilimo.

Akiwa Chuoni hapo Naibu Waziri huyo amebaini kuwepo kwa baadhi ya Watumishi wa Wizara yake wanaosaidia mchakato wa watumishi wa Chuo Kikuu cha Mwalimu Nyerere kuhama kwa madai kuwa katika Chuo hicho hakuna kazi za kufanya  jambo ambalo linazidi kurudisha nyuma juhudi za Serikali za kuhakikisha kuwa Chuo hicho kinaanza kazi mapema iwezekanavyo.

Kwa upande wake Makamu Mkuu wa Chuo hicho Profesa Dominick Kambarage amesema Chuo hicho  kimeshindwa kuanza kazi kutokana na kukosa Miundombinu inayokidhi vigezo vya Tume ya Vyuo Vikuu.

Awali kabla ya kutembelea Chuo Kikuu hicho  Naibu Waziri huyo alitembelea  Shule ya Msingi Mwisenge, Shule ambayo amesoma hayati Baba wa Taifa Mwalimu Julius K. Nyerere ambapo akiwa shuleni hapo  aliahidi kuwajengea vyumba vitatu vya madarasa.

 Naibu Waziri wa Wizara ya Elimu, Sayansi na Teknolojia Mheshimiwa William Ole Nasha akifuatilia namna Wanafunzi wa darasa la Tatu katika Shule ya Msingi Mwisenge wanavyopata Elimu kupitia Teknolojia ya Habari na Mawasiliano, TEHAMA 

Naibu Waziri wa Elimu, Sayansi na Teknolojia Mheshimiwa William Ole Nasha akiwa amekaa kwenye dawati ambalo hayati Baba wa Taifa Mwalimu Jullius Kambarage Nyerere aliwahi Kukalia dawati hilo.

Naibu Waziri Ole Nasha: Kuna ubadhirifu wa fedha za Serikali.

Naibu Waziri wa Elimu, Sayansi na Teknolojia Mhe.william Ole Nasha ameitaka  ofisi ya Mkuu wa wilaya, Musoma, Polisi na Takukuru kuhakikisha ndani ya wiki mbili inafanya  uchunguzi wa namna fedha za  ujenzi wa Miundombinu ya  Shule ya Sekondari Kasoma zilivyotumika kwa kuwa kuna harufu ya ubadhirifu wa fedha hizo.

Naibu Waziri Ole Nasha ametoa agizo hilo  mkoani Mara baada ya kufanya ziara ya kukagua ujenzi na ukarabati wa Miundombinu ya Shule inayonengwa na Wizara hiyo kupitia programu ya Lipa kulingana na matokeo, (P4R).

Mheshimiwa Ole Nasha amekiri kuridhishwa na ujenzi uliofanyika katika baadhi ya shule za mkoa ambazo amezitembelea ni  pamoja na Shule ya Msingi Kamuguruki  na Shule Sekondari na  Nyasho.

Waziri Ole Nasha pia amewataka walimu  wote nchini kuhakikisha wanafuata maadili yao ya kazi pamoja na kuacha mara moja  kujihusisha na vitendo vya kimapenzi na wanafunzi.

Amesema kuwa wizara yake imepokea taarifa juu ya baadhi ya walimu kujihusisha kimapenzi na wanafunzi  jambo ambalo ni kinyume cha sheria za nchi pamoja na maadili ya utumishi wa umma.

Naibu Waziri huyo amesisitiza kuwa  serikali haitamvumilia mwalimu yeyote mwenye tabia kama hizo na kuongeza kuwa mwalimu atakayebainika kushiriki vitendo hivyo atashtakiwa kwa mujibu wa sheria za nchi.

Katika hatua nyingine Naibu Waziri  Ole Nasha ameahidi kutoa mabati Mia Tano kwa ajili ya  shule ya sekondari kiara na kujenga madarasa matatu katika shule  Msingi ya Kiara zilizoezuliwa kufuatia mvua kali iliyonyesha jana usiku na kufanya uharibifu wa madarasa mawili ya shule hiyo.

Pia Naibu Waziri Ole Nasha ametembelea chuo cha Maendeleo ya Wananchi Bweri

Kilichopo Wilayani Musoma mkoani Mara.

 Naibu Waziri wa Elimu Sayansi na Teknolojia Mhe. William Ole Nasha akipata maelezo kutoka kwa wanafunzi wanaosomea  fani ya ufundi umeme kutoka kwenye Chuo cha  Maendeleo ya Wananchi Bweri kilichopo Mkoani Mara.

Naibu Waziri wa Elimu Sayansi na Teknolojia Mhe.William  Ole Nasha akipata maelezo juu ya hatua za ujenzi wa shule ya Sekondari Kasoma ambapo Naibu Waziro ametoa Wiki mbili kwa Wilaya ya Musoma, Takukuru na Jeshi la Polisi kufanya uchunguzi mara baada ya kubaini kuwepo kwa ubadhirifu wa fedha za ujenzi katika shule hiyo.

Wakufunzi watakiwa kuzingatia uadilifu na kuweka mbele maslahi ya Taifa.

Naibu Katibu Mkuu Dk.Ave Maria Semakafu amewataka Wakufunzi nchini kuwa waadilifu na kutanguliza maslahi ya Taifa mbele siku zote wanapotekeleza majukumu yao ya kazi.

Dk.Semakafu ametoa rai hiyo mkoani Mwanza wakati akifungua mafunzo ya TEHAMA kwa wakufunzi wa Vyuo vya Ualimu yaliyofanyika katika Chuo cha Ualimu Butimba mkoani humo.

Naibu Katibu Mkuu huyo amesema lengo la mafunzo ni kuwa na maudhui yenye viwango vya ubora unaotakiwa ili kuleta ufanisi katika kujifunza na kufundisha hususan katika  kuandaa Walimu. 

Dk. Semakafu amesisitiza kuwa  mafunzo hayo yatawajengea umahiri na hatimaye kuwa na rasilimali watu yenye maarifa na umahiri kwa ajili ya uzalishaji na hatimaye kukuza uchumi na kufikia malengo ya nchi kwa kuwa na uchumi wa kati na Uchumi wa Viwanda ifikapo 2025. 

" Zipo  changamoto katika Sekta  ya Elimu, sasa lazima tuzitafutie ufumbuzi wa  namna ya kuzikabili kwa kutumia mfumo wa kidigitali ili kuboresha ufundishaji na pia kubadilishana taarifa na maarifa," amesema Dk. Semakafu.

Kwa upande wake mratibu wa Mradi huo  Ignas Chonya amesema Mradi wa Teacher Education Support Project (TESP) utawezesha kufanikisha  umahiri wa mwalimu kupitia mafunzo kazini ya wakufunzi katika maeneo mbali mbali ikiwemo mafunzo ya TEHAMA, mafunzo endelevu katika masomo wanayofundisha, mafunzo ya Uongozi wa Elimu,  ambayo ndiyo nguzo muhimu katika kufanikisha upatikanaji wa Elimu bora hapa nchini.

Wakufunzi walioshiriki Mafunzo hayo ya Siku Tisa ni kutoka katika Chuo cha Ualimu Butimba,Tabora, Shinyanga, Ndala,Murutunguru, Bunda, Katoke, Tarime,Kasulu na Kabanga.

Mradi wa TESP unatekelezwa na Serikali ya Tanzania kwa kushirikiana na Serikali ya Canada kupitia Idara yake DFATD kwa ajili ya kugharamia mradi huo kwa kuweka kipaumbele cha kuleta mabadiliko chanya katika Elimu ya Ualimu.

 Naibu Katibu Mkuu Dk. Avemaria Semakafu akisalimiana na viongozi mbalimbali baada ya kuwasili katika Chuo cha Ualimu Butimba kilichopo mkoani Mwanza.

 Baadhi ya Wakufunzi kutoka Vyuo 10 vya Ualimu hapa nchini wakishiriki mafunzo ya TEHAMA, yanayoendeshwa na  TESP.

Naibu Katibu Mkuu Dk. Avemaria Semakafu akionyesha rasimu ya kitabu ambacho ndiyo mwongozo katika kujifunzia TEHAMA kwa Wakufunzi.

INVITATION TO TENDER

UNITED REPUBLIC OF TANZANIA

MINISTRY OF EDUCATION SCIENCE AND TECHNOLOGY

CONSTRUCTION WORKS FOR MPWAPWA TEACHERS COLLEGE

NATIONAL COMPETITIVE BIDDING (NCB)

SPECIFIC PROCUREMENT NOTICE (SPN):

Loan No. 2100150031995

Project ID No.: P-Z1-IB0-016

Tender No.:  ME-024/2017-18/HQ/W/14

1.         This Invitation for Bids follows the General Procurement Notice (GPN) for this project that appeared in UNDB online with reference number AfDB34-01/15 of 20^th January 2015, and on the African Development Bank Group’s Internet Website.

2.         The United Republic of Tanzania has received Financing from the African Development Bank in various currencies towards the cost of Support to Technical Vocational Education and Training and Teachers Education (STVET-TE).  It is intended that part of the proceeds of this loan will be applied to eligible payments under the contract for Construction Works for MPWAPWA Teachers College.

3.         The Permanent Secretary, Ministry of Education, Science and Technology (MoEST) now invites sealed bids from eligible bidders who meet qualifications criteria as stated in Bidding Document and are registered with the Contractors Registration Board of Tanzania as Building Contractor in Class four and above for the construction works for MPWAPWA Teachers College

4.         Interested eligible bidders may obtain further information from and inspect the bidding documents at the office of Secretary, Ministerial Tender Board, Ministry of Education, Science and Technology, College of Business Studies and Law Universities of Dodoma (UDOM) Block 10, Room no.320, 40479 DODOMA, TANZANIA Tell: 026 – 2963533 from 08.00 to 15.00 hours, Mondays to Fridays inclusive, except on public holidays.

5.         A complete set of bidding documents may be purchased by interested bidders on the submission of a written application to the above address and upon payment of a non-refundable fee of TZS. 150,000.00(Tanzania shillings one hundred thousand only)

6.         The provisions in the Instructions to Bidders and in the General Conditions of Contract are the provisions of the African Development Bank Standard Bidding Document:  Procurement of Goods.

7.            Bids must be delivered to the above office on or before 10.30HRS on Tuesday, 27^th Mach 2018 and must be accompanied by a bid security in acceptable form (in the form of bank guarantee) of Tanzanian Shillings Twenty Million (20,000,000/=).

8.            Bids will be opened in the presence of bidders’ representatives who choose to attend at 10.45HRS on Tuesday, 27^th Mach, 2018 at the offices of Ministry of Education, Science and Technology, College of Business Studies and Law, Universities of Dodoma (UDOM) Block 10, Ground Floor, Conference Room.

Permanent Secretary

Ministry of Education, Science and Technology

UDOM Block 10, P.O. Box 10,

40479DODOMA

China na Korea kuisaidia Tanzania katika Sekta ya Afya na Elimu.

Waziri wa Elimu, Sayansi na Teknolojia Profesa Joyce Ndalichoko ameishukuru Serikali ya Watu wa China kwa kukubali ombi  lililotolewa na Rais wa Jamhuri ya Muungano wa Tanzania Dk John Magufuli la kufadhili  wataalam wa sekta ya Afya.

Waziri Ndalichako ametoa kauli hiyo hii leo alipotembelewa na Balozi wa China nchini Tanzania Wang Ke aliyefika katika Ofisi ndogo za Wizara Jijini Dar es Salaam kwa ajili ya kufanya mazungumzo kuhusu utaratibu wa kupata wanafunzi watakaofaidika na ufadhili huo.

Balozi Wang Ke amesema baada ya Rais wa China kupata maombi hayo ametoa ufadhili wa Serikali yake kwa wanafunzi 20 wa Kitanzania watakaopata ufadhili wa masomo katika Sekta ya Afya kutoka Serikali ya China kwa mwaka wa masomo wa 2018/2019 katika ngazi za Uzamili na Uzamivu.

Aidha, Balozi Wang Ke amesema mbali na ufadhili huo pia Serikali ya China itaendesha Mpango wa Mafunzo kwa wataalamu wengine 20 mpaka 30 wa Sekta ya Afya kwa muda wa mwezi mmoja nchini China, hivyo amemuomba Waziri  wa Elimu kusaidia katika kuratibu upatikanaji wa Wanafunzi na aina ya mafunzo ambayo yatasaidia katika kutatua changamoto katika Sekta ya Afya.

Katika hatua nyingine Waziri  Ndalichako amekutana na kufanya mazungumzo na Balozi wa Jamhuri ya Korea Song Geum – Young  kwa lengo la kujadili ujio wa wabunge kutoka Bunge la Korea kwa ajili ya kutoa msaada katika Hospitali ya Tiba na Taaluma ya Mlongazila.

Waziri Ndalichako amemwambia balozi huyo kuwa Serikali bado inaendelea kutafuta fedha kwa ajili ya kujenga mbiundombinu ya kuwezesha wanafunzi na wauguzi kuishi karibu na hospitali ya Taalum na Tiba ya Mlongazila. 

Waziri amesema kwa sasa serikali ipo katika ujenzi wa awamu ya kwanza ya Miundombinu itakayowezesha wanafunzi wapatao 1500 kuishi karibu na hospitali hiyo. 

Waziri Ndalichako amesema Hospitali hiyo imejengwa kwa lengo la kuongeza udahili wa wanafunzi mpaka kufikia wanafunzi zaidi ya 10,000 hivyo bado Miundombinu itakayowezesha kuchukua idadi hiyo ya wanafunzi pamoja na watumishi wa hospitali hiyo inahitajika.

Naye Balozi wa Jamhuri ya Korea amesema serikali yake bado itaendelea kusaidia katika uendeshaji wa hospitali hiyo pamoja na miradi mingine katika Sekta ya Elimu.

Waziri wa Elimu, Sayansi na Teknolojia Profesa Joyce Ndalichako akizungumza na Balozi wa Jamhuri ya Korea  Song Geum – Young ofisini kwake ambapo kwa pamoja walijadiliana namna bora ya kuisaidia uboreshaji wa Miundombinu ya Hospitali ya Tiba na Taaluma ya Mloganzila.

 Waziri wa Elimu, Sayansi na Teknolojia Profesa  Joyce Ndalichako akizungumza na Balozi wa China Wang Ke kuhusu ufadhili wa masomo katika Sekta ya Afya kutoka Serikali ya China kwa mwaka wa masomo wa 2018/2019 katika ngazi za Uzamili na Uzamivu.